Gipuzkoako Foru Aldundiaren tokiko zaintza ekosistemen Zaintza Herri Lab estrategiak Estatu mailako lehen saria lortu du 2024ko Quality Innovation Award (QIA) sarietan, sektore publikoko berrikuntza onenaren kategorian.
2024ko azaroaren 28an, Gipuzkoako Foru Aldundiaren Zaintza Herri Lab estrategiak Euskadi mailako lehen saria jaso zuen, eta Quality Innovation Award sarietako Estatu mailako lehen saria ere, Madrilen egindako ekitaldi batean. Sari horri esker, Gipuzkoak aurrera egin dezake nazioarteko fase europarrean, fase horren amaiera 2025eko otsailean izango da. Saria Berrikuntza kategorian eman da, eta balioa ematen dio lurraldeak bere etxeetan bizi diren adinekoen bizi-kalitatea hobetzera bideratutako tokiko zaintza-ekosistemak bultzatzeko duen konpromisoari. Zainketen ekosistema osatzen duten eragileen arteko lankidetza sustatzeagatik nabarmentzen da ekimena.
Epaimahaiak ikuspegi berritzaileagatik baloratu du estrategia, eta gizartearen eta ingurumenaren beharrei aurre egiteko irtenbide originalak edo funtsean hobetuak eskaintzeko gaitasuna nabarmendu du. Era berean, haren eraginkortasuna nabarmendu du, emaitza zehatz eta praktiko eraginkorrak sortu dituen eredu inplementatua baita. Gainera, adierazi du estrategia ikaskuntza-prozesu batean oinarritzen dela, aurkikuntza berriak egungo ezagutzaren aprobetxamenduarekin konbinatzen dituena, garapen planifikatu eta egituratu baten emaitza dena. Orientazioari dagokionez, epaimahaiak nabarmendu du Zaintza Herri Labek modu eraginkorrean erantzuten diela egungo beharrei eta aurreratzen dituela erabiltzaileen etorkizuneko eskaerak. Azkenik, estrategiaren bermea azpimarratu du, pertsonentzat, gizartearentzat eta ingurunearentzat onura esanguratsuak sortzen dituzten emaitza ukigarrien bidez frogatua.
Gipuzkoako Foru Aldundia, QIA 2024 Saria – Espainia –, Sektore Publikoko Berrikuntza kategorian.
Zaintza Herri Lab estrategiak nazioarteko saria jaso du, zainketa komunitarioetan izandako berrikuntza ereduagatik
QIAko nazioarteko epaimahaiak 23 ekimen berritzaile aitortu ditu mundu mailan aurkeztu diren 557 hautagaitzen artean, eta Gipuzkoako proposamena nabarmendu du erantzun eraginkorrak, iraunkorrak eta gaur egungo gizarte-erronkei egokituak emateko duen gaitasunagatik.
Udako Ikastaroa - Zainketen Tokiko Ekosistemak: komunitatea, lurraldea eta berrikuntza
Tokiko Zainketa Ekosistemak proiektu pilotuak dira, tokian tokikoak eta esperimentalak, baina lurralde osorako zaintza eredu berri gisa finkatzeko asmoz sortu dira.
CNISek Gipuzkoako Foru Aldundiaren Zaintza Datu Gunea plataforma saritu du, datu soziosanitarioetan egindako berrikuntzagatik
Zaintza Herrilab estrategiaren zutabe digital gisa, Zaintza Datu Guneak zainketen eredua sustatzen du Gipuzkoan, datuen kudeaketa adimendunaren bidez.
Tokiko Zaintza Ekosistemak eta Pasaia Herri Lab-en esperientzia, "Gaur egungo zainketa estrategiei buruzko 1. Topaketan", Espainiako Geriatria eta Gereontologia Elkarteak eta Geriatria eta Gereontologiako Euskal Elkarteak (Zahartzaroa) antolatua.
Tokiko Zaintza Ekosistemak eta Pasaia Herri Lab-en esperientzia