ZHL / 2023.02.07

Gipuzkoako lurraldean zaintzako tokiko ekosistemak sustatzen dituzten Gizarte Berrikuntzarako laguntzak, 2022-2023-2024 urteak

2021ean bezala, 2022an ere, Gizarte Politiketako Sailaren Zaintza HerriLab estrategiaren barruko zainketen tokiko ekosistemak bultzatzeko helburuarekin, Adinberrirekin lankidetzan, laguntzak eman zaizkie berrikuntza sozialeko, soziosanitarioko edo teknologikoko proiektuak aurkezten dituzten udalei eta erakundeei.

Urtarrilaren 1ean, Adinberriko bi laguntza-lerroen onuradunen zerrenda onartu zen GAOn.

Lehen lerroa: adinekoen prebentzioa, arreta eta zaintza hobetzera bideratutako berrikuntza sozial, soziosanitario eta/edo teknologikoko proiektuak, tokiko ekosistemak sustatuz.

Bigarren lerroa: Sylver Economy

Lehen lerroko laguntzen banaketa, tokiko zaintza-ekosistemak bultzatzen eta garatzen dituzten udalentzat, honako hau izan da:

1. lerroa: Dirulaguntzen banaketa
Espediente kodea	Eskatzailea	Proiektuaren izena	Aurrekontua	Balorazioa	Diru-laguntza
2022-EADI-000003-01	Aretxabaletako udala	Desarrollo de la gobernanza del Centro Sociosanitario de Aretxabaleta	26.700,00 €	70,50	13.000,00 €
2022-EADI-000005-01	Zabalduz Hernani	Auzozaintza indartuz eta hedatuz (Hernaniko Udala).	349.221,73 €	75,00	125.710,09 €
2022-EADI-000008-01	Legorretako udala	Eguneko arreta zerbitzua eta herria bidelagun proiektua	349.221,73 €	75,00	174.610,87 €
2022-EADI-000009-01	Usurbilgo udala	Usurbilgo zaintza eredu berria inplementatzea.	103.554,99 €	82,50	51.777,50 €
2022-EADI-000011-01	Bizitzen Elgoibar	Programa piloto de Envejecimiento Activo y Saludable para la mejora de la Calidad de Vida de las Personas Mayores	30.000,00 €	73,50	15.000,00 €

Garrantzitsua da aipatzea bost udaletan (Aretxabaleta, Hernani, Legorreta, Usurbil eta Elgoibar) abian jarri direla zaintzarako tokiko ekosistemak zehaztu, bultzatu eta garatzen dituzten ekimenak. Udal horiek eta lurralde osoan dauden beste zazpi udalek argi eta garbi erakusten dute adineko pertsonentzako laguntza eta zaintza-sistema, hauskortasunetik mendekotasunerainokoa, aldatzen ari dela erabiltzailearen beharretara egokitzeko, pertsona ardatz duen arretaren ikuspegitik. Betiere kontuan izanda adineko 10 pertsonatik 8k bere etxean bizitzen jarraitu nahi duela. Helburu horrekin, udal horietan ekosistema bakar batean konektatzen eta koordinatzen dira gizarte, osasun eta komunitate-zerbitzuak. Ekosistema horri esker, adinekoen arteko hauskortasuna prebenitu eta detektatu daiteke, baita mendetasun-egoerak atzeratu eta nahi ez den bakardade-egoeran dauden pertsonei arreta eman ere.