Ikaskuntza, Prestakuntza eta Transferentziako Sarearen (IPTS) esparrua eta Tokiko Zaintza Ekosistemetan (TZE) berrikuntza eta ikaskuntza partekatua bultzatzeko duen lana kontuan hartuta, "Ikaskuntza, Prestakuntza eta Transferentzia Sarea (IPTS)" jardunaldia egin da azaroaren 5ean.

IPTS eragileen arteko borondatezko lankidetzarako espazio bat da, esperientziak eta ezagutzak partekatzeko, eta  partekatzeko eta transferitzeko modukoak izan daitezkeen ikaskuntza eta ezagutza sortzeko. 2030erako Zaintza Agendaren, Liburu Berdearen eta Tokiko Zaintza Ekosistemen (TZE) monitorizazio-prozesuan oinarritzen eta "elikatzen" da. Bestalde, IPTSek gaitasun berriak indartu edo bultzatu nahi ditu, Gipuzkoako arreta, zaintza eta laguntzako eredua eraldatzeko; erabiltzaileen bizi-kalitatea hobetzeko.

Jardunaldia aukera bat izan da Tokiko Zaintza Ekosistemetan (TZE) izandako aurrerapenak aurkezteko, udal esperientziak partekatzeko, tresna teknologiko berriak ezagutzeko eta berrikuntzarako laguntzen deialdiari ekiteko, 2025eko emaitzak eta IPTS 2026 Programaren ildo estrategikoak aztertzeko, hausnartzeko eta esperientziak trukatzeko gune batean.

Jardunaldiari buruzko informazioa

• Data: Azaroak 5
• Ordutegia: 9:30 – 13:30
• Kokapena: GUNEA, Gipuzkoa Plaza, z/g, 20004 Donostia, Gipuzkoa

Gai-zerrenda honako hau izan da:

• 9:30 - 9:35 Irekiera (Leire Calvo)
• 9:35 - 10:15 TZEk egonkortzeko proposamenaren aurkezpena: Oinarrien agiriak eta Foru Dekretua (Xanti Moriones)
• 10:15 - 11:00 GIZANET eta Zaintza Datu Gunea (Leire Barjadí+Edu Carrasco IZFE)
• 11:20 - 12:30 Berrikuntzarako laguntzen deialdia
• 12:30 - 12:45 IPTS 2026 programa (Xanti Moriones)
• 12:45 - 13:00 TZE 2025 delakoen monitorizazioa (Xanti Moriones)
• 13:00 Saioaren amaiera (Leire Calvo)