Zainketa eta Gizarte Politiketako Departamentua (GFA), 20>30 Zainketa eta Gizarte Politiken Agendaren esparruan, Zaintzarako Tokiko Ekosistemak bultzatzeko lurralde-estrategia bultzatzen ari da. Estrategia horren helburua gizarte-zerbitzuen, osasun-zerbitzuen, zerbitzu sozio-sanitarioen, zerbitzu komunitarioen eta beste zerbitzu batzuen koordinazioa sustatzea da, familien eta pertsona kalteberen, ahulen eta mendekoen bizi-kalitatea hobetzeko.

Zaintzarako Tokiko Ekosistemak GFA-ko 2024-2027 Plan Estrategikoaren Trakzio Proiektu bat da.​

Gaur egun, 26 tokiko zaintza-ekosistema bultzatzen ari dira 28 udalerriren artean, eta ekosistema horiek hainbat aurrerapen maila dituzte. Zaintzako tokiko ekosistemen monitorizazio-prozesuaren ondorioz, zaintzako tokiko ekosistemen ikuspegia partekatzeko eta adosteko beharra identifikatu da, lurralde-estrategia hori finkatzea ahalbidetuko duten ibilbide-orria, garapen-faseak eta tresnak ezartzeko. 

5 kontraste batzorde aurre ikusita:​

1. Kontrasterako Batzorde Instituzional bat eratzea, ekosistemaren garapen-maila desberdina duten 7 udalek osatua: Beasain, Donostia, Hernani, Pasaia, Urretxu, Usurbil eta Zestoa​
2. Profesionalen kontraste-batzorde teknikoa zainketen sektoreko 30 inguruko profesionalez osatua.​
3. Deliberazio Taldea, zainketen sektoreko 25 agente anitz osatutako taldea.​
4. Erabiltzaileeen Taldea (osatzeko)​
5. Tokiko Zaintza Ekosistemekin lanean dauden udalak

Profesionalen Kontraste-Batzorde Teknikoa zainketen sektoreko 30 bat profesionalez osatua dago. Batzorde honen lehen bilera azaroaren 18an egin zen GUNEAn, Gipuzkoan, goizeko 9:30ean, eta bilera honek bi orduko iraupena izan zuen.