Udako Ikastaroa - Zainketen Tokiko Ekosistemak: komunitatea, lurraldea eta berrikuntza
Data: Uzt. 09 - 09. Uzt, 2025
Kokalekua: Miramar Jauregia. Mirakontxa pasealekua 48, 20007 Donostia. Gipuzkoa
Izen ematea: Zainketen Tokiko Ekosistemak: komunitatea, lurraldea eta berrikuntza | UIK
Udako Ikastaroaren Azalpena
Aldaketa demografikoa eta biztanleriaren zahartzea direla eta, azken urteotan zaintza beharrei erantzutea aurrekaririk gabeko erronka bilakatu da tokiko, probintziako eta erkidegoetako gobernuentzat. Erronka horri erantzuteko, Zaintza HerriLab estrategiaren markoan, Gipuzkoako Foru Aldundia Zainketen Tokiko Ekosistemak izeneko ekimen publiko-komunitario berritzaileak bultzatzen ari da. Zaintza HerriLab Estrategiarekin, Gipuzkoako Foru Aldundiak QIA 2024 (Espainia) saria irabazi du Sektore Publikoko Berrikuntzaren kategorian, eta horrela, Europako Quality Innovation Award sarien aintzatespena jasotzeko hautagaia da.
Tokiko Zainketa Ekosistemak proiektu pilotuak dira, tokian tokikoak eta esperimentalak, baina lurralde osorako zaintza eredu berri gisa finkatzeko asmoz sortu dira. Aktibazio komunitarioa bultzatuz, aktibazio horretaz elikatuz eta informazio eta komunikazio teknologien erabilera sustatuz, lurraldean hainbat zerbitzu mota (osasun zerbitzuak, gizarte zerbitzuak eta zerbitzu soziosanitarioak) eta askotariko eragileren jarduerak lotzeko ahalegina egiten dute, iraupen luzeko zainketa beharrei modu pertsonalizatuan erantzuteko, hauskortasunaren eta prebentzioaren ikuspegitik. Horrenbestez, komunitateak, lurraldeak eta berrikuntzak iraupen luzeko zainketetan duten eginkizunari buruz hausnartzeko gune pribilegiatua dira.
Uda Ikastaro honetan, Zaintza HerriLab estrategiaren markoan eta Gipuzkoako Lurralde Historikoaren baitan garatzen ari diren lurralde, komunitate eta berrikuntza esparruko esperientzia zehatzak erakutsiko dira, Zainketarako Tokiko Ekosistemak bultzatzeko. Tokiko esperientzien aurkezpena, iraupen luzeko zainketen arloan nazioartean ospe handia duten hizlarien gogoetek osatuko dute.
Informazio gehiagorako: Zainketen Tokiko Ekosistemak: komunitatea, lurraldea eta berrikuntza | UIK
Zaintza Herri Lab estrategiak nazioarteko saria jaso du, zainketa komunitarioetan izandako berrikuntza ereduagatik
QIAko nazioarteko epaimahaiak 23 ekimen berritzaile aitortu ditu mundu mailan aurkeztu diren 557 hautagaitzen artean, eta Gipuzkoako proposamena nabarmendu du erantzun eraginkorrak, iraunkorrak eta gaur egungo gizarte-erronkei egokituak emateko duen gaitasunagatik.
CNISek Gipuzkoako Foru Aldundiaren Zaintza Datu Gunea plataforma saritu du, datu soziosanitarioetan egindako berrikuntzagatik
Zaintza Herrilab estrategiaren zutabe digital gisa, Zaintza Datu Guneak zainketen eredua sustatzen du Gipuzkoan, datuen kudeaketa adimendunaren bidez.
Tokiko Zaintza Ekosistemak eta Pasaia Herri Lab-en esperientzia, "Gaur egungo zainketa estrategiei buruzko 1. Topaketan", Espainiako Geriatria eta Gereontologia Elkarteak eta Geriatria eta Gereontologiako Euskal Elkarteak (Zahartzaroa) antolatua.
Tokiko Zaintza Ekosistemak eta Pasaia Herri Lab-en esperientzia