ZHL / 2022.05.25

Pasaia HerriLaben kasu konplexura hurbiltzeko Design Thinking bigarren tailerra arrakastaz burutu da

Workshop hau 2022ko otsailaren 23an eta 24an ospatu zen eta bertan PASAIA HERRILAB proiektuko hainbat erakunde publiko eta pribatu parte hartu zuten. 2. edizio honetan gizarte-zerbitzuen, osasun-eremuaren eta administrazio publikoaren arteko elkarreraginak landu ziren. Candidoren arketipoa landu zen, osasun-eremutik identifikatu berri den kasu konplexua.
Se realiza con éxito el segundo Taller Design Thinking en acercamiento al caso complejo de Pasaia HerriLab

Design Thinking eta User Experience metodologiak proiektuak beste ikuspegi berritzaile batetik lantzeko aukera ematen dute. Diziplina anitzeko taldeen bitartez eta dinamika desberdinak erabiliz proposatutako gaiari irtenbide berriak bilatzen dira. Dinamika horien eraginkortasuna sormenaren indarrean oinarritzen da, ideiak sortzeko motor gisa.

2022ko otsailean egindako workshop honek 2021eko azaroan kasu konplexuari buruz egindako lehenengo workshop bat osatzen du. Horregatik, aurreko egitura berari jarraitu zaio emaitza koherenteak eta alderagarriak lortzeko. Workshop horien bidez, paziente konplexuarentzako arreta-ibilbidea hobetu nahi da, egungo eta etorkizuneko zerbitzuak konbinatuz. Horrela, lan-dinamikak funtsezko erabiltzailea ikertzera bideratuta egon ziren, zeinetan ikur argigarriak (arazoak, beharrak, etab.) aurkitu ahal izan ziren.

Pasaiako Udaleko (Gizarte Zerbitzuak), Osakidetzako (Pasaiako Lehen Mailako Arretako Unitatea), Gipuzkoako Foru Aldundiko (Mendekotasunaren Plangintza eta Balorazioa), Adinberriko eta Ibermaticako ordezkariek workshopean parte hartu zuten.

 


1. irudia. Workshoparen parte-hartzaileak dinamika batean.

 

Tailer honen berezitasun nagusia osasun arloko pertsonek parte hartzea izan da. Hori dela eta, kasu konplexu honen abiapuntua osasun-arloa izan da, eta lehen hurbilketa batean lehen mailako osasun arretaren funtzioak zehazten dira. Horri esker, ikuspegi berri bat lortu da aurreko workshop-arekiko, eta kasu konplexuaren ikuspegia osatu da ikuspegi posible guztietatik.

Honako hiru dinamika hauek egin ziren:

1)    Pertsonaren arketipoak:
Arketipo batek pertsona mota baten beharrak eta itxaropenak hobeto ulertzeko balio du. Zehazki, landutako arketipoa Candido izan zen. Osasun-eremutik identifikatu berri den kasu konplexua eta 81 urteko gizon bat da. 7 urte daramatza zaurgarritasun-egoeran, eta kasu konplexu gisa identifikatu berri dute, aldakako haustura baten ondorioz.

2)    Enpatia-mapa:
Dinamika honetan identifikatu dugun erabiltzailearen testuingurua (barnekoa eta kanpokoa) lantzen da. Candidoren arketipotik abiatuta, enpatia-ariketa bat egiten da, bere beldurrak, pentsatzen duena, bere inguruak esaten duena, eta pertsona horrek entzuten duena deskubritzen saiatzeko. Azken finean, parte-hartzaileak "pertsona horren azalean" jartzen dira bere emozioak hobeto ulertzeko.
 


2. irudia. Workshopean garatutako enpatia-mapa.

3)    Journey Map erabili:
Dinamika honetan erabiltzailearen "bidaia" arreta eta osasun zerbitzuen zehar irudikatzen da. Bidai horretan gure zerbitzuekin izaten dituen harremanak (puntu taktikoak) aztertzen dira. Erabiltzaileak bere eguneroko bizitzan egiten dituen ekintzen mapa eratzen da, gure zerbitzuekin tangentzia-puntuak aztertuz. Horrela, erabiltzaileak gure zerbitzuen funtzionaltasun bakoitza erabiliko duen testuinguruaren ikuspegia lortzen da eta nola sentituko den hori egitean.

Bukatzeko, workshop-a arrakastaz burutu zen, eta kasu konplexuari buruzko informazio baliotsua identifikatu zen (hobetzeko ideiak, arketipokoaren premiak, insightak, etab.), bere ibilbide pertsonaleko lau puntu nagusitan: 1) ospitaleko altan, 2) familia eta gizarte-zerbitzuen arteko harremana, 3) arreta- eta bizitza-plana, eta 4) mendekotasunaren balorazioa. Lortu zen informazio guztia dokumentu honetan jasotzen da.
 

Pasaia HerriLabeko Plataforma Federatuaren diseinua bukatzeko 2. galdeketa kolaboratiboa hasi da Pasaiako eragileekin parte-hartze sendoarekin
ZHL / 2022.05.20

Pasaia HerriLabeko Plataforma Federatuaren diseinua bukatzeko 2. galdeketa kolaboratiboa hasi da Pasaiako eragileekin parte-hartze sendoarekin

Plataforma Federatuak komunikazio-bide segurua, pribatua eta legala eman nahi die Pasaia HerriLabeko zainketa-ekosistemako agenteei, eta haien arteko komunikazioa erraztu, zainketen prestazioa hobetzeko. Bilera-sorta berri honen helburua da irailean hasiko den proiektuaren bigarren fasean prototipatuko diren elkarrekintzak lehenestea eta baliozkatzea.

Zaintza Herri Lab zer den eta zerk suposatzen duen
ZHL / 2022.05.09

Zaintza HerriLab zer den eta zerk suposatzen duen

Gizarte Politiketako Sailaren Zaintza HerriLab estrategia, zaintzako tokiko ekosistemak sustatzeko, protagonistek berek kontatzen dute Pasaiako esperientzian, joan den martxoaren 23an egindako topaketan.

Gipuzkoako lurraldean zaintzako tokiko ekosistemak sustatzen dituzten Gizarte Berrikuntza eta Esperimentazioko Proiektuetarako laguntzak, 2021-2022 urteak
ZHL / 2021.11.11

Gipuzkoako lurraldean zaintzako tokiko ekosistemak sustatzen dituzten Gizarte Berrikuntza eta Esperimentazioko Proiektuetarako laguntzak, 2021-2022 urteak

Gizarte Politiketako Sailak laguntzak emango dizkie udalei eta hirugarren sektoreari zaintzako tokiko ekosistemak sustatzen dituzten Gizarte Berrikuntza eta Esperimentazio Proiektuei, 700.000 €-ko zenbatekoarekin 2021. eta 2022. urteetarako.

Gehiago jakin nahi duzu?

Zaintza HerriLab estrategiaren edo abian den edozein HerriLaben inguruan gehiago jakin nahi baduzu, bisitatu gure harremanetarako orria.