Pasaia HerriLab mugarri historikoa da; izan ere, esparru berean bildu ditu, lankidetza-helburu berberekin, eremu soziosanitarioko erakunde publiko, pribatu eta komunitario nagusiak, Pasaian zein Gipuzkoako beste herri batzuetan inplikatuta daudenak.
Horrela, Pasaia HerriLabek adinekoen hauskortasunaren eta mendekotasunaren arteko arreta-continuuma estaltzen duten eragile nagusiak hartzen ditu barne.
HerriLab eredua kontzeptu aitzindaria da nazioartean, eta Gipuzkoa ari da horren buru izaten. Egiteko modu berri bat eratzen ari da, bai gizarte politiken eremuan, bai eremu soziosanitarioan, koordinazio soziosanitarioa, esparru publiko-pribatua eta esparru publiko-komunitarioa sustatuz.
Pasaiako estrategiatik abiatuta, HerriLab eredua (zainketen tokiko ekosistemak) beste hainbat udalerritan ere garatzen ari da gaur egun, hala nola Usurbilen, Azpeitian, Hernanin, Zestoan eta abar.
Helburuak
Pasaia HerriLabek bost helburu nagusi ditu, zainketen tokiko ekosistema diseinatzeko eta bultzatzeko.
Gobernantza
Zainketen eredua
Berrikuntza eta esperimentazioa
Inpaktuaren ebaluazioa eta transferentzia
Jasangarritasuna eta transferentzia
Gobernantza
Helburua da osasun zerbitzuen, gizarte zerbitzuen, zerbitzu komunitarioen eta zerbitzu pribatuen koordinazioa egituratzea, Pasaiako tokiko ingurunean integratzea errazteko.
Jarduera ildoak
1. Ildoa
Dauden zerbitzuen mapa kualitatiboa egitea eta zerbitzu horiek AMIA analisiaren bidez ebaluatzea, zainketen ekosistema batean integratzeko duten gaitasuna balioesteko.
2. Ildoa
Arreta- eta zainketa-ibilbide berrietara egokitutako antolakuntza-modu berriak diseinatzea eta testatzea, zerbitzuen arteko konexio-protokoloak diseinatzeko.
3. Ildoa
Udalerriaren barne-gaitasunak garatzea zainketa-ekosistemak kudeatzeko.
Zainketen eredua
Helburua da arreta- eta zainketa-eredu berri bat sustatzea tokiko mailan, arreta- eta zainketa-ibilbideak diseinatuz, kasuak kudeatzeko metodologiak ezarriz eta bizitza-historia digitalean sartzen diren arreta plan pertsonalizatuak definituz.
Jarduera ildoak
4. Ildoa
Dauden osasun eta gizarte zerbitzuen erabiltzaileen mapaketa kualitatiboa egitea, hauskortasunaren eta mendekotasunaren estratifikazio-irizpidearen arabera.
5. Ildoa
"Kasuen kudeaketa" izenekoaren inplementazioa indartzea, arreta-ibilbideak kudeatzeko.
6. Ildoa
Pertsonengan oinarritutako arreta-ereduetan sentsibilizatzeko/prestatzeko programa bat ezartzea, profesionalei, politika kudeatzaileei eta erabiltzaileei zuzendua.
Berrikuntza eta esperimentazioa
Helburua da berrikuntza sustatzea, proiektu esperimentalen inplementazioari esker. Proiektu horiek zainketa-ereduaren osagaiak testatzeaz arduratzen dira.
Jarduera ildoak
7. Ildoa
Oarsoaldean eta Pasaian ezartzen ari diren proiektu esperimentalak ebaluatzea, haien potentzialtasuna aztertzeko.
8. Ildoa
Pasaia HerriLab plataforma digitala diseinatzea eta ezartzea. Plataforma horren helburua da interfaseak sortzea, estrategiaren garapenerako eta jasangarritasunerako informazio garrantzitsua atzemateko.
9. Ildoa
Pasaia HerriLab plataforma digitala diseinatzea eta ezartzea. Plataforma horren helburua da interfaseak sortzea, estrategiaren garapenerako eta jasangarritasunerako informazio garrantzitsua atzemateko.
10. Ildoa
Enpresak eta jarduerak Pasaia HerriLab zerbitzu-ekosisteman sartzea sustatzeko programak garatzea.
Inpaktuaren ebaluazioa eta transferentzia
Helburua da zainketa-ereduaren inpaktua ebaluatzeko metodologia bat diseinatzea eta ezartzea, adinekoen bizi-kalitatearen hobekuntza balioesteko.
Jarduera ildoak
11. Ildoa
Estrategiaren aurrerapenak ebaluatzeko eta monitorizatzeko eredu bat diseinatzea eta ezartzea, zainketa- eta zerbitzu-ekosistema bat sortzearen ikuspegitik.
12. Ildoa
Pasaia HerriLab plataforma digitala diseinatzea eta ezartzea. Plataforma horren helburua da interfaseak sortzea, estrategiaren garapenerako eta jasangarritasunerako informazio garrantzitsua atzemateko.
13. Ildoa
Pasaia HerriLab estrategia beste eskualde eta udalerri batzuetara transferitzeko eredu bat (eskalagarritasuna) diseinatu eta ezartzea.
Jasangarritasuna eta transferentzia
Estrategiaren kostu-onura ebaluazioa egitea du helburu, jasangarritasuna bermatzeko. Gainera, funtsezkoa da Pasaia HerriLab estrategia sistematizatzea, beste udalerri batzuetara transferitu ahal izateko.
Jarduera ildoak
14. Ildoa
Emaitzen erregistro sistematikoa eta kodifikazioa egitea, bai eta estrategiaren kostuen analisia ere, estrategiaren kostu globala eta epe luzera izango dituen onurak kalkulatzeko.
15. Ildoa
Estrategiaren bideragarritasun instituzionalerako plana diseinatzea eta garatzea, udalerriaren garapen instituzionalerako osagai gisa.
16. Ildoa
Estrategiaren inpaktua ebaluatzea arreta- eta zainketa-ekosistemaren erabiltzaileen bizi-kalitateari eta ongizateari dagokienez.
Jarduera ildoak
2020 - 2022
1. FASEA / 2020
Zerbitzuen ekosistemaren diagnostikoa (non gaude?)
1. ILDOA / Dauden zerbitzuen mapa kualitatiboa
3. ILDOA / Tokiko gaitasunen ebaluazioa
7. ILDOA / Proiektu esperimentalen ebaluazioa
11. ILDOA / Pasaia HerriLab estrategiaren monitorea
2. FASEA / 2021
Zainketen ekosistemaren prototipoa (nola egiten dugu?)
2. ILDOA / Antolaketa-modu berriak, zerbitzuak konektatzen (arreta-ibilbidea)
4. ILDOA / Hauskortasunaren eta mendekotasunaren tokiko mapa (Kaiserren piramidea)
5. ILDOA / Kasuen metodologiaren garapena (Kaiserren piramidea)
9. ILDOA / Pasaia HerriLab plataforma digitala
10. ILDOA / Silver Economy sustatzea
12. ILDOA / Prestakuntza/enplegua sortzeko estrategiak diseinatzea/egokitzea
3. FASE / 2022
Zerbitzuen ekosistema testatzea eta sendotzea (nola instituzionalizatzen dugu?)
6. ILDOA / POAn sentsibilizatzeko/prestatzeko programa
8. ILDOA / Ebaluaziorako eta esku-hartze soziosanitariorako metodologiaren mapa eta integrazioa
13. ILDOA / Zerbitzu berriak instituzionalizatzeko estrategia eta esperientziaren eskalagarritasuna
14., 15., 16. ILDOAK / Kostu-onura, zerbitzu berrien ikusgarritasun instituzionala, erabiltzaileen bizi-kalitatea
Parte hartzaileak
Talde eragilea
Tokiko taldea
Lehen eta bigarren mailako taldea
Talde soziosanitarioa
Proiektu esperimentalen taldea
Parte hartzaileak
Talde eragilea
Pasaia HerriLab estrategia talde eragile batek koordinatzen du, eta talde horrek elkarlanean jardun du hainbat ildo eta gauzatze-fasetan. Pasaia HerriLaben talde eragilea honako hauek osatzen dute:
PASAIAKO UDALA
Parte hartzaileak
Tokiko taldea
Pasaiako udalerriko zerbitzuetako talde teknikoek osatzen dute talde hau. Taldea udalerriko oinarrizko gizarte zerbitzuetako arduradunek koordinatzen dute, Deustuko Unibertsitatearen laguntza teknikoarekin.
Parte hartzaileak
Lehen eta bigarren mailako taldea
Pasaiako udalerriko oinarrizko gizarte zerbitzuek eta Gipuzkoako Foru Aldundiko bigarren mailako arretako zerbitzuek osatzen dute talde hau. Talde honen helburua da lehen mailako arretaren eta bigarren mailako arretaren arteko interakzioa eta trantsizioa erraztea tokiko eremuan. Taldea Pasaiako Udalak koordinatzen du, Deustuko Unibertsitatearen laguntza teknikoarekin.
Parte hartzaileak
Talde soziosanitarioa
Talde hau honako hauek osatzen dute: Gizarte Politiketako Departamentua (GFA), Pasaiako Udala, Adinberri Fundazioa (Proiektu Estrategikoak), Gizarte Politikako Saila (EJ), Osasun Saila (EJ) eta Osakidetza. Lantalde honen helburua da erkidego eta foru mailako jarduerak koordinatzea, Pasaia HerriLab estrategia garatu eta eskalatu ahal izateko. Taldea Gizarte Politiketako Departamentuak (GFA) koordinatzen du.
Parte hartzaileak
Proiektu esperimentalen taldea
Bai Pasaian bai Oarsoaldean abian diren proiektu esperimentalen arduradunek osatzen dute talde hau. Taldea udalerriko oinarrizko gizarte zerbitzuetako ordezkariek koordinatzen dute. Talde honen helburua da ebidentziak eta gomendioak sortzea, zainketen tokiko ekosistema sustatzeko (kasuen kudeaketa, arreta eta zainketarako ibilbideak, esku-hartze komunitarioa, teknologia berriak sartzea, prestakuntza-programak ezartzea, zainketen sektorean enplegua sortzea, eta abar).
ETXEAN BIZI
MATIA FUNDAZIOA
Proiektu honen bidez, arreta soziosanitario integratuko eredu iraunkor bat identifikatu nahi da, etxean bizi diren pertsonengan zentratua, pertsona horien eta haien familia-ingurunearen bizi-kalitaterik onena lortzeko beharrezkoak diren zerbitzu eta laguntzak koordinatuz.
OK EN CASA
DIGIZEN INTERACTIVE S.L.
Mendetasunen bat duten adinekoak zaintzen dituzten senideei laguntzeko esperientzia pilotua. Proiektuak prestakuntza, antolaketa-tresnak, laguntza psikosoziala eta zerbitzu abantailak biltzen dituen esku-hartze baten eraginkortasuna aztertzen du, zaintzaileei laguntzeko, autozainketa hobetzeko eta, beraz, ematen duten arretaren kalitatea hobetzeko.
HAUSKOR
HURKOA FUNDAZIOA
Proiektu honek hauskortasun-egoeran dauden adinekoei arreta emateko programak ezartzea eta garatzea proposatzen du, esperientzia pilotuak abian jarriz.
AGASE
BIODONOSTIA PROIEKTUA
Komunitatean, lanbide-profil berrietan eta teknologien erabileran oinarritutako esku-hartze sorta bat diseinatu eta ebaluatzea du helburu proiektu honek, betiere adinekoen gaitasun funtzionala hobetzera bideratuta.
ADINKIDE
GRANDES AMIGOS
Proiektu honen helburua adinekoei laguntzea da, beren bakardade-sentimenduak arindu ahal izan ditzaten, beren laguntza-sare sozialak indartuz, eta haien ongizatea, gogo-aldartea eta osasuna hobetzen lagunduz.
BETI ON
Berdintasun, Justizia eta Gizarte Politiketako Saila
Lehen mailako arretako gizarte zerbitzuen testuinguruan kokatuta, erabiltzaileek, telefono-linearen bidez, etengabeko arreta-zerbitzua izan dezakete eguneko 24 orduetan eta urteko egun guztietan. Gaur egun, zerbitzu finkatua da, erabiltzaileek oso positiboki baloratzen dutena, eta adinekoei etxean ematen zaien arreta etengabe hobetzearen aldeko apustua egiten du.